واشنگٹن (نیوز ڈیسک) امریکہ میں سانپ کے ساتھ سیلفی لینے کے شوق میں شہری اپنا ہاتھ گنوا بیٹھا۔امریکی میڈیا کے مطابق گزشتہ دو ماہ میں یہ دوسرا واقعہ ہے جس میں سانپ کے ساتھ سیلفی لینے کے شوق میں سیلفی لینے والے کو بھاری جانی نقصان چکانا پڑا ہے۔امریکی ریاست کیلی فورنیا میں 36 سالہ ایلکس گومز نے 4 فٹ لمبے “ریٹل” سانپ کو اٹھا کر اس کے ساتھ سیلفی لینے کی کوشش کی اور اس دوران سانپ نے اس کے ہاتھ پر کاٹ ڈالا۔ سانپ کے کاٹنے کے تھوڑی دیر بعد ہی اس کا ہاتھ پھول گیاجسے بعدازاں آپریشن کے ذریعے کاٹنا پڑا، اس سے قبل جولائی میں ایک شخص نے اسی طرح کے سانپ کے ساتھ سیلفی بنائی اور اسے سانپ نے کاٹ ڈالا بعد میں اس کو یہ سیلفی ہسپتال کے خرچ کی مد میں ڈیڑھ لاکھ ڈالر میں پڑی۔