گاڑیوں،موٹرسائیکلوں کو نمبر پلیٹ لگوانے والوں کیلئے پریشان کن خبر

لاہور(این این آئی )گاڑیوں اورموٹرسائیکلوں کی نمبرپلیٹس کی فیسوں کی مد میں ایکسائز نے اربوں روپے وصول کرلئے ۔

پھر بھی 23لاکھ سے زائدشہری نمبرپلیٹس کے حصول کے لئے دفاترکے چکر لگانے پر مجبور ہیں۔

محکمہ ایکسائز نیشہریوں سے نمبرپلیٹس کی مد میں پونے 3ارب سے زائدکی فیسیں وصول کرلیں۔بروقت فیسوں کی وصولی کے باوجود گاڑیوں وموٹرسائیکلوں کی نمبرپلیٹس فراہم نہ کی جاسکیں۔

گزشتہ 4 سالوں سے 23لاکھ سے زائد نمبرپلیٹس التوا کا شکار ہیں۔نیم سرکاری کمپنی کے ساتھ معاہدے کے باوجود نمبرپلیٹس کے بحران پر قابو نہ پایا جاسکا۔

سیف سٹیز حکام کا کہنا ہے 70 فیصدنمبرپلیٹس موٹرسائیکلوں اور30فیصدنمبرپلیٹس گاڑیوں کی ہیں۔

محکمہ ایکسائزنے نمبرپلیٹس بنانے والی کمپنی کوسواارب کی ادائیگی کررکھی ہے۔گزشتہ 2سال کے دوران پلیٹس کی قیمتوں میں 800روپے اضافہ ہوا ہے۔

قیمتوں میں اضافے اوربروقت فیس وصولی کے باوجودنمبرپلیٹس کااجرا نہ ہوناایکسائز حکام کی نااہلی کا منہ بولتا ثبوت ہے۔