لاہور(مانیٹرنگ، این این آئی)مولانا فضل الرحمان کا کہنا ہے کہ عوام کے صبر کا پیمانہ لبریز ہو چکا ہے، ضدی عمران کا قصہ تمام ہو چکا، اگر ہم عمران خان کی حکومت کو اقتدار سے نہ ہٹاتے تو خدانخواستہ ملک دیوالیہ یا ٹوٹنے کا ڈر تھا۔ اس سے قبل جمعیت علمائے اسلام کے سر براہ مولانا فضل الرحمان کے آبائی گھر
عبدالخیل ڈیرہ اسماعیل خان میں جے یو آئی کے سینئر رہنما مولانا حافظ محمد اشرف گجر کی قیاد ت میں لاہو ر کے و فد نے ملا قا ت کی۔ اس موقع پر ملکی سیاسی صورتحال تنظیمی معاملات و سیلاب زدگان کے حوالے سے تفصیلی گفتگو ہوئی جس میں مو لانا فضل الرحمن نے کہاکہ سیلاب متا ثر ین کی امدادی کیلئے جے یو آئی کا ہر کارکن آخر متا ثر کی بحا لی تک چین سے نہ بیٹھے۔ سیلا ب متا ثر ین کی مدد کو ہر کارکن ایما نی فر یضہ سمجھ کرکرے۔جے یو آئی اور انصار الاسلام کے رضا کاروں جس طرح سیلاب متا ثر ین کی امداد میں مصروف ہیں وہ اپنی مثا ل آ پ ہیں مصیبت کی اس گھڑی میں مذ ہبی طبقہ متا ثر ین کے شانہ بشانہ کھڑا ہے۔ اس موقع پر مولانا مفتی جاوید احمد بھی موجود تھے، مولانا حافظ محمد اشرف گجر نے اور مولانا مفتی جاوید احمد نے مولانا فضل الرحمن سے ملاقات میں یقین دلایا کہ اس مشکل حالات میں پنجاب کی عوام،علما اکرام،اور کارکنان جمعیۃ آپ کے ساتھ کھڑے ہیں،اس موقع پر وفد کی ضلع ٹانک کے امیر اور ڈیرہ اسماعیل خان کے نائب امیر مولانا قاری کفایت اللہ قاسمی سے بھی ملاقات ہوئی۔ اس موقع پر مولانا نے سیلاب زدگان کے لئے خصوصی دعا فرمائی،اور مولانا حافظ محمد اشرف گجر اور مولانا مفتی جاوید احمد نے مفکر اسلام مفتی اعظم پاکستان مولانا مفتی محمود رح کی قبر پر حاضری دی اور دعائے مغفرت فرمائی۔
