اسلام آباد(این این آئی)آئی ایم ایف کی قسط منظور ہونے پر وفاقی وزیر دفاع خواجہ محمد آصف نے وزیر خزانہ مفتاح اسماعیل سے متعلق دلچسپ میمز شیئر کر دیں۔سماجی رابطے کی سائٹ ٹوئٹر پر خواجہ محمد آصف نے بالی ووڈ فلم کا ایک سین شیئر کیا ہے جس میں ایک مسافر طیارہ آگ لگانے کے باعث گر رہا ہوتا ہے۔خواجہ محمد آصف کی جانب سے شیئر کی گئی ویڈیو میں اسپائڈر مین کی جگہ مفتاح اسماعیل کی تصویر لگائی گئی ہے اور وہ طیارے کو گرنے سے بچا لیتے ہیں۔وزیر دفاع نے ایک اور میم شیئر کی ہے جس میں آئی ایم ایف بورڈ سے متعلق ایک بیان لکھا ہے کہ ‘میمن تھا ہمارے تو پیچھے ہی پڑ گیا تھا مشکل سے پیسے دے کر جان چھڑوائی ہے۔