سیلاب سے لوگ نقل مکانی پر مجبور ٹرانسپورٹرز نے کرائے بڑھا دئیے
دادو (این این آئی)ضلع دادو کی تحصیل خیرپورناتھن شاہ میں سیلابی پانی آنے کی وجہ سے لوگوں کی نقل مکانی تیز ک دی گئی ،لوگوں کی ضرورت کا فائدہ اٹھاتے ہوئے
ٹرانسپورٹرز نے کرائے دو سے تین گنا مہنگے کردیے۔تفصیلات کے مطابق سیلابی پانی گھروں میں داخل ہونے کے بعد لوگ مال و متاع سمیٹ کر نقل مکانی پر مجبور گئے ۔سیلاب سے متاثرین کی جانب سے سامان کی منتقلی میں استعمال ہونے والی گاڑیوں نے کرایوں میں بے پناہ اضافہ کر کے
من مانی شروع کر دی ہے۔عینی شاہدین کے مطابق گھروں کو بند کر کے محفوظ مقام پر منتقلی کی کوششوں میں کچھ ایسے لوگ بھی نظر آتے ہیں
جنہوں نے کبھی اس وقت کا سوچا بھی نہ تھا۔مصیبت کے مارے ان دکھی لوگوں کا کہنا ہے کہ ٹرانسپورٹرز کی لوٹ مار کو روکنے والا کوئی نہیں،
حکومت اور انتظامیہ نے نہ خیمہ دیا نہ راشن، کم از کم برے وقت میں ہمیں ایسے تنہا تو نہ چھوڑتے۔
