اسلام آباد(این این آئی)عوامی مسلم لیگ کے سربراہ شیخ رشیدنے کہاکہ آئی ایم ایف کا قرضہ منظور ہوا ہے جیک پاٹ نہیں لگا، واپس قوم نے کرنا ہے۔شیخ رشید نے اپنے ایک بیان میں کہا کہ 20 سے زیادہ مرتبہ لیے گیے قرض پر وزرا شادیانے بجا رہے ہیں۔انہوں نے کہا کہ پانی کا ریلا گزرنے کے بعد عوام کا ریلا سڑکوں پر آئے گا، کروڑوں افراد کی بقاء کی جنگ میں سیاستدان اب بھی دست و گریباں ہیں۔سابق وزیر نے کہا کہ ستمبر کا مہینہ ستم گر ہوگا، بھارت سے تجارت شروع کرنے کے بعد اب یہ اسرائیل کی طرف بڑھیں گے۔انہوںنے کہاکہ سفید پوش ہی نہیں صاحب حیثیت بھی بجلی کے بل ادا نہیں کر پا رہے ہیں، حکمران بھی ٹیلی تھون کرائیں، مقبولیت کا پتہ چل جائے گا۔