اسلام آباد (مانیٹرنگ ڈیسک) سابق وزیراعظم عمران خان نے سیلاب زدگان کی امداد کے لئے ٹیلی تھون ٹرانسمیشن کا آغاز کردیا ہے، تحریک انصاف کے چیئرمین نے دو گھنٹوں میں 150 سو کروڑ روپے جمع کر لئے ہیں۔ ابھی بھی فنڈز اکٹھے ہونے کا سلسلہ جاری ہے۔ عمران خان کا کہنا تھا کہ اس وقت ملک میں بہت بڑا امتحان ہے، سیلاب کی وجہ سے پورا ملک متاثر ہے، اسی لئے ہم نے فیصلہ کیا ہے کہ پورا پاکستان مل کر اس امتحان کا سامنا کرے۔