اسلام آباد( آن لائن ) ملک میں بجلی کا شارٹ فال 6 ہزار 2سو51 میگاواٹ ہو گیا جبکہ ملک کے مختلف علاقوں میں 6گھنٹے تک بجلی کی لوڈشیڈنگ کی جا رہی ہے، پاورڈویژن کے مطابق ملک میںبجلی کی مجموعی پیداوار 21 ہزار 7سو49 میگاواٹ اور بجلی کی کل طلب 28ہزار میگاواٹ ہے، پانی سے 7 ہزار 9سو50 میگاواٹ،سرکاری تھرمل پلانٹس سے8سو میگا واٹ،نجی شعبے کے بجلی گھروں کی مجموعی پیداوار 9 ہزار7 سو میگا واٹ ہے، ذرائع کا مزید کہنا ہے کہ ونڈ پاور پلانٹس7سو30 میگاواٹ اور سولر پلانٹس سے پیداوار 142 ہے، بگاس پاور پلانٹس سے 82 میگا واٹ بجلی پیدا ہو رہی ہے جبکہ جوہری ایندھن 2 ہزار 3سو45 میگا واٹ بجلی پیدا کی جارہی ہے، ملک کے مختلف علاقوں میں 6گھنٹے تک بجلی کی لوڈشیڈنگ کی جا رہی ہے۔