سے جاری کردہ مختلف نوٹیفکیشن کے مطابق اسٹیبلشمنٹ ڈویژن میں تقرری کے منتظر سیکرٹریٹ گروپ کے گریڈ20 کے افسر میران محی الدین سومرو کوجوائنٹ سیکرٹری اسٹیبلشمنٹ ڈویژن اور تقرری کے منتظر سیکرٹریٹ گروپ

کے گریڈ20 کے افسرسجاد احمد کو جوائنٹ سیکرٹری سائنس و ٹیکنالوجی ڈویژن تعینات کیا گیا ہے، دریں اثناء آفس مینجمنٹ گروپ کے گریڈ 18 کے افسر نجیب اکرم کوپی ٹی ڈی سی سے سیکشن افسر قومی صحت ڈویژن تعینات کیا گیا ہے جبکہ سیکشن افسر نیامت اللہ کوہاوئوسنگ اینڈ ورکس سے داخلہ ڈویژن، سیکشن افسر صبغت اللہ کو بھی ہائوسنگ اینڈ ورکس سے داخلہ ڈویژن اور سیکشن افسر عطیہ سلطانہ کو اسٹیبلشمنٹ ڈویژن سے پارلیمانی امور ڈویژن تبدیل کیا گیا ہے۔او ایم جی کی گریڈ18کی افسرسحر مانو کو ڈپٹی سیکرٹری ادارہ جاتی اصلاحات سیل ایم ایس وِنگ اسٹیبلشمنٹ ڈویژن تعینات کیا گیا ہے۔سیکشن افسر فرحان اختر کا نیشنل فوڈ سکیورٹی سے بین الصوبائی رابطہ ڈویژن تباد لہ کیا گیا ہے۔سیکشن افسر خبیب جعفر کا مذہبی امور ڈویژن سے تخفیفِ غربت ڈویژن تباد لہ کیا گیا ہے۔سیکشن افسر فرحت مشتاق کا نیشنل فوڈ سکیورٹی ڈویڑن سے ایوی ایشن ڈویژن تبادلہ کیا گیا ہے۔اسٹیبلشمنٹ ڈویژن نے ان تبادلوں کے باضابطہ نوٹیفکیشن جاری کر دیئے ہیں۔