لاہور( این این آئی)صوبائی وزیر ہاؤسنگ واربن ڈویلپمنٹ میاں اسلم اقبال ہمہ وقت عوامی خدمت میں مصروف ہیں، ان کی ذاتی کاوشوں اور ہدایت پر چیف ٹاؤن پلانرایل ڈی اے نے نوٹیفکیشن جاری کیا ہے جس کے مطابق رہائشی نقشہ 15دن اور کمرشل نقشہ 30دن میں منظور ہوگا۔ڈائریکٹرز ٹاؤن پلاننگ مقررہ مدت میں نقشوں کے اجراء کو یقینی بنائیں گے، نوٹیفکیشن کے مطابق ڈائریکٹرز ٹاؤن پلاننگ ای خدمت مرکز اور ون ونڈو سہولت سینٹر پر آنے والی درخواستوں پر روزانہ کی بنیاد پر پیش رفت رپورٹ دیں گے۔تمام ڈائریکٹرز صبح 9بجے اپنی اور اپنے سٹاف کی حاضری یقینی بنائیں گے اور ڈائریکٹرز روزانہ کی بنیاد پر حاضری رپورٹ بھجوانے کے پابند ہوں گے۔

موضوعات:نقشہ