کراچی(این این آئی)محکمہ تعلیم سندھ نے تیز بارشوں کے پیش نظر تمام اسکولز اور کالجز میں دو روزہ عام تعطیل کا اعلان کردیا۔تفصیلات کے مطابق محکمہ تعلیم نے سندھ حکومت کے زیر انتظام تمام اسکولز اور کالجز میں بدھ اور جمعرات کو عام تعطیل کا اعلان کردیا۔اس حوالے سے وزیر تعلیم سندھ سردار شاہ نے کہاکہ حالیہ تیز بارشوں کے پیش نظر دو دن 24 اور 25 اگست چھٹی کا اعلان کر رہے ہیں تاکہ طالب علموں کو ہر مشکل و پریشانی سے محفوظ رکھا جاسکے۔خیال رہے کہ گزشتہ ایک ماہ سے ہونے والی شدید بارشوں اور سیلاب کے باعث سندھ کے بیشتر علاقے زیر آب آچکے ہیں جب کہ درجنوں افراد لقمہ اجل بن چکے ہیں۔