اسلام آباد/لاہور/فیصل آباد/کراچی(این این آئی)ملکی سلامتی کی ضامن پاک فوج کے خلاف سوشل میڈیا پر مہم چلانے والے قانون کا شکنجے میں آگئے۔وفاقی تحقیقاتی ادارے ایف آئی نے مذموم مہم میں ملوث 12 مرکزی ملزمان کو گرفتار کرلیا جبکہ ایک ریٹائرڈآفیسر کی گرفتاری کے لئے وزارت داخلہ سے اجازت طلب کرلی گئی ہے۔ذرائع کے مطابق مہم میں ملوث 2 ہزار 200 ملزمان کو نوٹس بھجوائے گئے ہیں جبکہ متعدد کے خلاف مقدمات درج ہیں۔ایف آئی اے ذرائع کے مطابق لاہور سے3 ،فیصل آباد سے 4،گوجرانوالہ سے 2ملزمان جبکہ کراچی، اسلام آباد اور ڈی آئی خان سے بھی 5 گرفتاریاں کی گئی ہیں۔