اسلام آباد (مانیٹرنگ ڈیسک/این این آئی )معروف سوشل میڈیا ایکٹیویسٹ واینکر پرسن جمیل فاروقی کی اسلام آباد کی عدالت میں پیشی کے موقع پر پولیس اہلکار کی جانب سے انہیں تھپڑ مارنے اور دھکے دینے کی ویڈیو سامنے آگئی۔تفصیلات کے مطابق
ڈسٹرکٹ اینڈ سیشن کورٹ اسلام آباد نے سوشل میڈیا ایکٹیوسٹ جمیل فاروقی کا 2 روزہ جسمانی ریمانڈ منظور کرکے انہیں پولیس کے حوالے کردیا۔سوشل میڈیا ایکٹیوسٹ جمیل فاروقی کو جوڈیشل مجسٹریٹ کی عدالت میں پیش کیا گیا جہاں عدالت نے دلائل سننے کے بعد ریمانڈ سے متعلق فیصلہ سنایا۔ایک صفحے پر مشتمل ڈیوٹی مجسٹریٹ میاں اظہر ندیم کے تحریری فیصلے میں کہا گیا ہے کہ جمیل فاروقی کو اسلام آباد پولیس کیخلاف وی لاگ کرنے پر گرفتار کیا گیا،جمیل فاروقی نے اسلام آباد پولیس پر شہباز گِل کو ٹارچرکرنے کا الزام لگایا۔تحریری فیصلے میں کہا گیا کہ اسلام آباد پولیس کی جانب سے 8 روزہ جسمانی ریمانڈ کی استدعا کی گئی،اسلام آباد پولیس جمیل فاروقی کا موبائل اور دیگر ڈیوائسز برآمد کرنا چاہتی ہے،جبکہ ملزم کے وکیل نے جسمانی ریمانڈ کی استدعا کی مخالفت کی۔ملزم کے وکیل نے کہا جمیل فاروقی نے اپنے ذرائع سے خبر دی،پولیس کا موقف ہے کہ تفتیش کے لیے موبائل فون اور دیگر ڈیوائسزکی برآمدگی ضروری ہے۔عدالت نے کہا کہ دو روزہ جسمانی ریمانڈ منظور کیا جاتا ہے، 25 اگست کو ملزم کو میڈیکل رپورٹ کیساتھ پیش کیا جائے۔
وڈیو میں جمیل فاروقی کو پولیس اہلکار کیسے دھکے دے رہا ہے خود دیکھ لیں۔۔۔یہ ہمارے محافظ ہیں یا دشمن؟ pic.twitter.com/FlCR9gtMPB
— Zain Ali (@Zain_Journalist) August 23, 2022
