اسلا م آباد (این این آئی)قائم مقام گورنر اسٹیٹ بینک مرتضیٰ سید نے کہا ہے کہ پاکستان نے 4 ارب ڈالرز کی فنانسنگ حاصل کرلی ہے۔قائم مقام گورنر اسٹیٹ بینک مرتضیٰ سید نے ماہرین سے ملاقات کی اور گفتگو کرتے ہوئے بتایا کہ قطر نے دو ارب ڈالرز فراہمی کی یقین دہانی کرائی ہے۔انہوں نے کہا کہ سعودی عرب تیل کی ایک ارب ڈالرز تاخیر سے ادائیگی کی سہولت دیگا جبکہ متحدہ عرب امارات سے ایک ارب ڈالرز کی سرمایہ کاری آئے گی۔انہوںنے کہاکہ دوست ملکوں سے 4 ارب ڈالرز ملنے سے فنڈنگ صورتحال بہتر ہوئی ہے۔مرتضیٰ سید نے کہاکہ 30 ارب ڈالرز کی ضرورت ہے اور 37 ارب ڈالرز فنانسنگ حاصل کرنے کا تخمینہ ہے۔

موضوعات:قطر