روٹر ڈیم (این این آئی)قومی کرکٹ ٹیم کے کپتان اور مایہ ناز بلے باز بابر اعظم نے ایک اور ریکارڈ اپنے نام کرلیا۔بابر اعظم کیرئیر کی ابتدائی 90 ون ڈے اننگز میں سے سب زیادہ رنز بنانے والے پلیئر بن گئے ہیں۔پاکستانی کپتان نے 90 اننگز میں 59.79 کی اوسط سے4 ہزار 664 رنز بنائے ہیں جبکہ جنوبی افریقا کے ہاشم آملہ نے ابتدائی 90 اننگز میں 4 ہزار 556 رنز بنائے تھے۔
ان کے علاوہ ویوین رچرڈز نے 4ہزار 122 ، شائی ہوپ نے 4ہزار 51 اور جو روٹ نے 3ہزار 954 رنز بنائے تھے۔بھارت کے ویرات کوہلی نے 90 اننگز کے بعد مجموعی طور پر 3ہزار 899 رنز بنائے تھے۔واضح رہے کہ پاکستان نے سیریز کے تیسرے اور آخری ون ڈے انٹرنیشنل میں نیدر لینڈز کو 9 رنز سے شکست دے کر سیریز میں کلین سوئپ کرلیا، 207 رنز کے ہدف کے تعاقب میں نیدر لینڈز کی پوری ٹیم آخری اوور میں 197 رنز بناکر آؤٹ ہوگئی، ٹام کوپر 62 اور وکرم جیت سنگھ 50 رنز بناکر نمایاں رہے۔تفصیلات کے مطابق روٹرڈیم میں کھیلے جانے والے تیسرے اور آخری ون ڈرے میچ میں پاکستان کے کپتان بابر اعظم نے ٹاس جیت کر پہلے بیٹنگ کا فیصلہ کیا ۔پاکستان اور نیدر لینڈ کے درمیان جاری ون ڈے سیریز کے تیسرے میچ میں پاکستان نے نیدر لینڈ کے خلاف 206 رنز بنائے اور اسے 207 کا ہدف دیا جواب میں نیدر لینڈ کی جانب سے وکرم جیت سنگھ اور میکس کریز پر ا?ئے۔ وکرم 50 رنز بناکر پویلین لوٹ گئے جب کہ 115 رنز کے مجموعے پر نیدرلینڈ 4 کھلاڑیوں سے محروم ہوگئی۔پاکستان کی جانب سے کپتان بابراعظم 91 رنز بناکرنمایاں رہے، ان کے علاوہ محمد نواز 27، فخرزمان 26 اور آغا سلمان نے 24 رنز بنائے۔ محمد وسیم 11، زاہد محمود 9، محمد حارث 4 اور نسیم شاہ 3 رنزبنا سکے۔ پاکستان نے نیدرلینڈز کو جیت کے لیے207 رنزکا ہدف دیا ہے۔روٹرڈیم میں کھیلے جارہے میچ میں پاکستان کیلئے ڈیبیو کرنے والے عبداللہ شفیق محض 2 رنز بناکر وکٹ گنوا بیٹھے، جس کے بعد قومی کرکٹ ٹیم کے کپتان بابراعظم نے فخر زمان کے ہمراہ 55 رنز کی پارٹنرشپ قائم کی تاہم اوپنر 26 رنز بناکر لوگان وین بیک کا شکار ہوگئے۔کپتان بابراعظم نے ذمہ دارانہ اننگز کھیلتے ہوئے 4 چوکوں اور 2 چھکوں کی مدد سے 91 رنز بنائے تاہم ان کے علاوہ کوئی بلے باز خاطر خواہ کارکردگی دکھانے میں کامیاب نہ ہوسکا۔ سلمان علی آغا 24، خوشدل شاہ 2، محمد حارث 2 رنز بناکر آؤٹ ہوئے۔نیدر لینڈز کی جانب سے کنگما، شارض احمد، لوگان وین بیک، آریان دت اور ٹام کوپر نے ایک ایک وکٹ حاصل کی۔
