اسلام آباد(این این آئی) تحریک انصاف کے رہنما بابر اعوان نے شہباز گل کیلئے چاروں صوبوں کے ڈاکٹرز پر مشتمل آزاد بورڈ بنانے کا مطالبہ کرتے ہوئے کہاہے کہ سرکاری ہسپتال ،سرکاری ڈاکٹرزپراعتمادنہیں ،شہباز گل پر ایسا تشدد ہواجو نہ بتایا جاسکتاہے اور نہ دکھایا جاسکتا ہے

،شہباز گل پر عمران خان کے خلاف بیان دینے کیلئے دبا ئوڈالا جا رہا ہے۔تفصیلات کے مطابق تحریک انصاف کے رہنما بابر اعوان نے اسلام آباد ہائی کورٹ کے باہر میڈیا سے گفتگو کرتے ہوئے کہ شہباز گل پر ایسا تشدد ہواجو نہ بتایا جاسکتاہے اور نہ دکھایا جاسکتا ہے۔بابراعوان نے کہا کہ میڈیا کے لوگ بھی چیخ چیخ کر کہہ رہے ہیں کہ تشددہواہے، آئی جی نے تفتیش کرنے کے لیے ایک اشتہارجاری کیاہے، اشتہار میں کہا گیا جس کسی کو تشدد کا پتہ ہے وہ آکر بتائے۔رہنما پی ٹی آئی نے مطالبہ کیا کہ ملک کے چاروں صوبوں سے انڈی پینڈنٹ ڈاکٹرز پر مشتمل بورڈبنایاجائے، اس کاخرچہ ہم برداشت کریں گے، سرکاری ہسپتال اور سرکاری ڈاکٹرزپراعتمادنہیں کیاجاسکتا۔انہوں نے کہا کہ جیل کے میڈیکل افسرنے کہا شہباز گل کوبچپن سے دمہ ہے، شہبازشریف کے بارے میں بھی کمردردکی رپورٹ دی گئی تھی، نوازشریف کوپلیٹ لیٹس کامسئلہ بتایاگیااب وہ مزے کررہے ہیں۔بابراعوان نے کہا کہ اصل حکومت لندن سے ہورہی ہے،یہاں توان کے میرے بیٹھے ہوئے ہیں ۔ انہوں نے کہاکہ شہباز گل پر عمران خان کے خلاف بیان دینے کیلئے دبا ئوڈالا جا رہا ہے۔