لاہور(نیوزڈیسک) الیکشن کمیشن کو پنجاب اسمبلی کے حلقہ 16اٹک میں ضمنی انتخابات کے لئے درخواست موصول ہوگئی، الیکشن کمیشن درخواست کا جائزہ لےکرحلقہ میں ضمنی انتخاب کاشیڈول جاری کرے گا۔ذرائع کے مطابق حلقہ پی پی 16اٹک میں ضمنی انتخابات کے لئے الیکشن کمیشن کودرخواست موصول ہوگئی ہے۔درخواست اسپیکرپنجاب اسمبلی کی طرف سے بھجوائی گئی ہے۔ الیکشن کمیشن درخواست پرغورکرکے حلقہ میں ضمنی انتخاب کے انعقاد کا اعلان کرے گا جس کے بعد ضمنی انتخابات کے لئے باقاعدہ شیڈول بھی جاری کردیاجائیگا۔ پی پی 16اٹک کی نشست صوبائی وزیر داخلہ شجاع خانزادہ کی بم دھماکے میں شہادت کے بعد خالی ہوئی تھی۔