اسلام آباد (آن لائن) سپریم کورٹ نے افسران و اہلکاران سے اثاثوں اور آمدن کی تفصیلات طلب کر لیں۔ سب افسران و ملازمین کو 15 ستمبر 2015ءتک ہر صورت تفصیلات جمع کرانے کی ہدایت کی گئی ہے۔ تفصیلات جمع نہ کروانے والوں کے خلاف انضباطی کارروائی کی جائے گی۔ ذرائع نے آن لائن کو بتایا ہے سپریم کورٹ کے سپرٹینڈنٹ نذیر احمد نے سپریم کورٹ کے افسران و ملازمین کو ایک آفس میمورنڈم ارسال کیا ہے جس میں ان سے کہا گیا ہے وہ اپنے یکم جولائی 2014ءسے 30 جون 2015ءتک تمام تر اثاثوں اور آمدن کی تفصیلات جمع کروائیں اور یہ اثاثے 15 ستمبر تک جمع ہونا ضروری ہے۔ تفصیلات جمع نہ کروانے والوں کے خلاف انضباطی کارروائی کی جائے گی۔ تفصیلات NO.F-6/212/2005-SCA کے تحت تفصیلات مانگی گئی ہیں۔ واضح رہے کہ ہر سال ملازمین سے اس طرح اثاثوں کی تفصیلات طلب کی جاتی ہیں اور انہیں چیف جسٹس پاکستان کے روبرو رکھا جاتا ہے۔