اسلام آباد (آن لائن) سپیکر قومی اسمبلی کی تنزلی ، متحدہ قومی موومنٹ کے اراکین پارلیمنٹ کے استعفوں کا معاملہ میں تاخیر ہو سکتی ہے اس بارے ڈپٹی سپیکر فیصلہ کرنے کا اختیار رکھتے ہیں ۔ حکومت نے بھی سپیکر کے مسئلے کو قانونی جواز بنا کر استعفے کچھ عرصے کے لئے لٹکانے کا ارادہ کیا ہے اور اس پر عملی اقدام مولانا فضل الرحمان اور ایم کیو ایم کے وفد کے درمیان اسلام آباد میں آئندہ کے مذاکرات کی روشنی میں کیا جائے گا ۔ ذرائع نے آن لائن کو بتایا ہے کہ مولانا فضل الرحمان اور متحدہ قومی موومنٹ کے وفد کے درمیان مذاکرات کا تاحال فیصلہ نہیں ہو سکا ہے ۔ فاروق ستار رابطہ کمیٹی سے بات کر کے اجازت حاصل کریں گے اس کے بعد مولانا فضل الرحمان سے ملاقات طے ہو گی ۔ تاہم اس دوران ایم کیو ایم کے اراکین پارلیمنٹ اسمبلیوں میں نہیں جائیں گے اور رابطہ کمیٹی کے فیصلے پر عمل کریں گے ۔ رواں ہفتے مولانا فضل الرحمان اور اور ایم کیو ایم میں مزید مذاکرات کا امکان ہے ۔