کابل (نیوز ڈیسک)جنوبی افغانستان میں بم دھماکہ کے نتیجے میں 8افراد ہلاک اورمتعدد زخمی ہوگئے میڈیا رپورٹ کے مطابق جنوبی صوبہ ارزگان کے ضلع خاص میں مقامی پولیس کمانڈر کے گھر کے قریب نصب بم دھماکے میں 8افراد ہلاک اورمتعدد زخمی ہوگئے ہلاک ہونے والے افراد میں مقامی پولیس کمانڈر کے دو بیٹے بھی شامل ہیں دھماکے کے بعد قریبی عمارتوں کے شیشے اور کھڑکیاں ٹوٹ گئیں اور آسمان پر دھوئیں کے بادل چھا گئے واقعہ کے بعد زخمیوں کو فوری طورپر طبی امداد کےلئے مقامی ہسپتال منتقل کر دیاگیا جن میں بعض کی حالت نازک ہے جس کے باعث ہلاکتوں میں اضافے کاخدشہ ہے واقعہ کے بعد علاقے میں خوف وہراس پھیل گیا