لاہور(این این آئی) پنجاب حکومت کے زیر استعمال ہیلی کاپٹر اور جہاز کے اخراجات بھی بڑھ گئے ۔ذرائع کے مطابق سابق دور حکومت کی نسبت ہیلی کاپٹر اور جہاز کے سالانہ اخراجات میں مجموعی طور پر اضافہ ہوا، ہیلی کاپٹر اور جہاز کے ایک سال کے سالانہ اخراجات پر 21 کروڑ 48 لاکھ روپے کا تخمینہ ہے۔ہیلی کاپٹر کے سالانہ اخراجات کے لیے 12 کروڑ 49 لاکھ روپے کے اخراجات کا تخمینہ ہے جبکہ ائیر کرافٹ کے لیے 8 کروڑ98 لاکھ روپے کے اخراجات کا تخمینہ لگایا گیا ۔واضح رہے کہ ہیلی کاپٹر اور ائیر کرافٹ کے اخراجات میں سابق دور حکومت کی نسبت 5 کروڑ 46 لاکھ روپے کے اضافی اخراجات کا تخمینہ ہے۔