لاہور( این این آئی)وزیر اعظم شہباز شریف نے پاکستان میں ہیلتھ کیئر ریسرچ اینڈ ڈویلپمنٹ میں اسٹریٹجک اصلاحات شروع کرنے کا فیصلہ کیا ہے

جس کے تحت ابتدائی طور پر معذور شہریوں، سریبرل پالسی مصنوعی اعضا ء کے لیے سازوسامان کی تیاری پر کام کرنے والے اداروں کی مدد کی جائے گی

اور ان کی تعداد میں اضافہ جائے گا۔ سربراہ وزیراعظم اسٹریٹجک ریفارمز سلمان صوفی کے مطابق سیریبرل پالسی سے متاثر مریضوں کی تعلیم و تربیت کیلئ

ے بین الاقوامی سطح پر رائج میوزک تھراپی جیسے اقدامات متعارف کروائے جائیں گے۔دماغی فالج کے مریضوں کے لیے خصوصی وہیل چیئرز،

دیگر معذور شہریوں کی مدد کے لیے آلات پاکستان میں کم قیمت پر تیار کیے جائیں گے تاکہ یہ عام شہریوں کی دسترس میں ہوں۔

انہوںنے کہا کہ حکومت معذور شہریوں کو ان کی نقل و حرکت کے لیے درکار اہم سامان کو سبسڈی پر فراہم کرنے کیلئے بھی اقدامات کرے گی۔