عمران خان کی ذہنی حالت پر ترس آنے لگا،مریم نواز

لاہور (این این آئی)پاکستان مسلم لیگ ن کی نائب صدر مریم نواز نے کہا ہے کہ قسم سے عمران خان کی ذہنی حالت پر ترس آنے لگا ہے۔

سماجی رابطے کی ویب سائٹ ٹویٹر پر پاکستان مسلم لیگ ن کی نائب صدر نے ایک سکرین شارٹ شیئر کیا جس پر عمران خان کابیان تھا کہ

تصور نہیں کر سکتا شہباز شریف کو وزیراعظم بنا دیا جائیگا۔اس سکرین شارٹ کو شیئر کرتے ہوئے مریم نواز نے لکھا کہ بہت گہرا اور ناقابلِ تلافی صدمہ پہنچا ہے

بیچارے کو۔ انہوںنے کہاکہ جتنی محنت اس نے شہباز شریف پر جھوٹے کیسز بنا کر ان کو فاؤل پلے کے ذریعے میدان سے آئوٹ کرنے پر کی تھی،

اللّہ نے وہ چال اسی پر الٹ دی۔انہوں نے لکھا کہ اسی حسد اور صدمے میں اب اس کی باقی زندگی بھی گزرنے والی ہے،

انشاء اللّہ! عادت ڈال لو!۔لیگی نائب صدر نے لکھا کہ نیند میں بھی نیوٹرل نیوٹرل کا راگ الاپا کریگا، بڑبڑایا کریگا شہباز شریف نے سفیر کو کیک کھلایا،

شہباز شریف نے شیروانی پہن لی، شہباز شریف وزیر اعظم بن گیا۔مریم نواز نے عمران خان پر تنقید کرتے ہوئے لکھا کہ خرم دستگیر نے یہ کہہ دیا،

امریکا نے سازش کر دی، دھاندلی ہو گئی،قسم سے اس کی ذہنی حالت پر ترس آنے لگا ہے۔

موضوعات:مریم نواز