اسلام آباد(مانیٹرنگ ڈیسک ،آن لائن)یہاں وکلا بیٹھے ہیں پی ٹی آئی کے کارکن نہیں ،وفاقی دارالحکومت کے وکلا بھی سابق وزیر اعظم عمران خان پر برس پڑے ،تفصیلات کے مطابق سابق وزیراعظم عمران خان اسلام آباد ہائیکورٹ بار کی تقریب میں شریک ہوئے ، اس موقع پر
وکلا کی بہت بڑی تعداد بھی موجود تھی ،تقریب میں وکیل رہنما علیم عباسی کااظہار خیال کرتے ہوئے کہنا تھا کہ تحریک عدم اعتماد لانا ایک آئینی طریقہ تھا، آپ کے گورنر کا کیا رویہ تھا وہ بھی ہم نے دیکھا، سپیکر اور ڈپٹی سپیکر نے قانون پر کس طرح عمل نہ ہونے دیا اس کا جواب دیں ،دوسری جانب اسلام آباد ہائیکورٹ بار سے سابق وزیراعظم عمران خان کے خطاب کے موقع پر سیکیورٹی کے سخت انتظامات کئے گئے تھے، اسلام آباد ہائیکورٹ میں غیر متعلقہ افراد اور سیاسی کارکنان کے داخلے پر پابندی رہی ، مریم نواز ایون فیلڈ ریفرنس میں سزا کے خلاف اپیلوں پر سماعت بھی تھی اسلام آباد انتظامیہ نے ن لیگ اور پی ٹی آئی کارکنوں کے ممکنہ تصادم کے پیش نظر سکیورٹی کے انتہائی سخت انتظامات کئے، سائلین کو بھی ہائی کورٹ میں داخلے پر شدید مشکلات رہی مکمل چھان بین کے بعد ہائی میں داخلے کی اجازت دی گئی۔
