پنجاب میں عام قیدیوں کوبھی ویڈیو کال کی سہولت دینے کا فیصلہ

لاہور(آن لائن)اب جیل میںعام قیدی بھی ویڈیو کال کی سہولت سے فائدہ اٹھا سکیں گے تفصیلات کے مطابق حکومت کی جانب سے جیلوں میں قیدیوں کے لئے سہولتوں کا سلسلہ جاری ہے۔

جیل حکام کے مطابق قیدی اب رشتہ داروں اور دوست احباب کو ہفتے میں 2 دفعہ کال کرسکیں گے۔کوٹ لکھپت جیل سے ابتدائی طورپر 2 دفعہ کالز کروانے

کا سلسلہ شروع کردیا گیاگیاہے۔ہفتے میں 2 دفعہ 15 پندرہ منٹ کال کروائی جارہی ہے۔روزانہ 15سو قیدیوں کو پی سی او سے کال کروائی جا رہی ہے

اس سے قبل جیلوں میں ہفتے میں ایک دفعہ کال کروائی جارہی تھی جبکہ جیلوں میں ویڈیو کالز کے لئے بھی اقدامات کا سلسلہ شروع کردیا گیا ہے

اور تمام جیلوں میں قیدیوں کے لئے دوپہر کا لاک اپ ختم کردیا گیا۔قیدی صبح بیرکس سے نکلنے کے بعد رات کو ہی واپس بیرکس میں بھجوائے جائیں گے۔

دوپہر کے اوقات میں قیدی احاطے میں ہی موجود رہیں گے۔وزیراعلی کے حکم پر جیلو ں میں اقدامات کا سلسلہ جاری ہے۔