نئی دہلی(آن لائن) بھارت میں مخصوص اسلامی گروپوں اور مساجد کے رہنماؤں نے مسلمانوں سے اپیل کی ہے کہ برسرِ اقتدار ہندو قوم پرست بھارتیہ جنتا پارٹی (بی جے پی) کے دو اراکین کی جانب سے پیغمبرِ اسلامؐسے متعلق گستاخانہ ریمارکس کے خلاف احتجاج ختم کردیں۔غیر ملکی خبر رساں ادارے کے مطابق بھارت کی متعدد ریاستوں میں سر گرم رہنے والی مسلمان تنظیم جماعتِ اسلامی ہند کے سینیئر رکن ملک اسلم کا کہنا ہے کہ ’ہر مسلمان کی ذمہ داری ہے کہ جب کوئی اسلام کو بے وقعت کرے تو ایک دوسرے کے ساتھ کھڑا وں، لیکن ساتھ ہی امن کو برقرار رکھنا بھی اہم ہے۔