نارنگ منڈی (این این آئی)نارنگ منڈی کے علاقہ بوڑھے اوٹھی میں درندہ صفت اوباش عطائی ڈاکٹر علاج کیلئے آنے والی خاتون کو ساتھی کے ساتھ مل کر اجتماعی زیادتی کا نشانہ بناتا رہا ،ملزمان خاتون کی ویڈیو بھی بناتے رہے جسے وائرل کر دیا گیا ،نارنگ منڈی پولیس
نے متاثرہ خاتون کے خاوند اعجاز احمد نصیرکی درخواست پر عامر ندیم شیخ ،اس کی بیوی بنشاور عابد سرور کے خلاف مقدمہ درج کر لیا ہے ۔تفصیلات کے مطابق اعجاز احمد نصیر روز گار کے سلسلہ میں تین سال سے بیرون ملک سعودیہ میں مقیم تھا ۔ملزم عطائی ڈاکٹرشیخ عامر ندیم نے متاثرہ خاتون کے خاوند کو فون پر کہا کہ وہ اس کی بیمار بیوی کا علاج کر سکتا ہے جس پر اس نے علاج کرانے کی حامی بھر لی ۔چند ماہ بعد ملزم عامر ندیم نے خاتون کے خاوند سے علاج کے اخراجات کی مد میں ساڑھے 3لاکھ بذریعہ بنک اکائونٹ منگوائے اور مختلف اقساط میں 12لاکھ روپے منگوا لئے ۔اس دوران عامر ندیم اور اس کا ساتھی عابد سرور علاج کے پہانے نشہ آور انجکشن اور دوائی کے ذریعہ بے ہوش کرکے خاتون سے اجتماعی زیادتی کرتے رہے ۔خاتون کو بلیک میل کرنے کے لئے ویڈیو بھی بنا لیں اور دھمکی دی کہ اگر خاوند یا کسی کو بتایا تو ویڈیوز کو سوشل میڈیاپر وائرل کرکے تمہاری عزت خاک میں ملا دیں گے ۔ بتایا گیا ہے کہ ملزمان نے خاتون سے قیمتی موبائل بھی چھین لیا ۔بتایا گیا ہے کہ ویڈیو وائرل ہونے پر متاثرہ خاتون کا خاوند پاکستان پہنچ گیا اور ملزمان کے خلاف کارروائی کے لئے پولیس کودرخواست دی جن کے خلاف مقدمہ درج کرلیا گیا ۔
