اہم رہنما کاساتھیوں سمیت پی ٹی آئی میں شمولیت کا اعلان
بورے والا(آن لائن) سابق امیدوار صوبائی اسمبلی ندیم سرور گجر نے ساتھیوں سمیت پی ٹی آئی میں شمولیت کا اعلان کردیا،
عمران خان کی قیادت پر بھرپور اعتماد کا اظہار،تفصیلات کے مطابق سابقہ الیکشن میں حلقہ پی پی 229 سے بطور آزاد امیدوار انتخابات میں حصہ لینے والے
علاقہ کی معروف سیاسی شخصیت چوہدری ندیم سرور گجر نے اپنی رہائش گاہ پر منعقدہ ایک تقریب میں عمران خان کی قیادت پر بھر پور اعتماد کا
اظہار کرتے ہوئے اپنے حلقہ کے حامیوں سمیت پی ٹی آئی میں شمولیت کا اعلان کردیا انہوں نے یہ اعلان پی ٹی آئی کے سینئر راہنماء سابق ایم این اے چوہدری قربان علی چوہان،
سابق ایم پی اے چوہدری خالد محمود چوہان اور دیگر راہنماوں کی موجودگی میں کیا انہوں نے کہا کہ اس وقت ملک کو موجودہ حکمرانوں نے انتہائی بدترین صورتحال سے دوچار کردیا ہے
ملکی تاریخ میں عام آدمی کے حالات اتنے بدتر آج تک نہیں ہوئے جتنے آج ہیں اس صورتحال میں ملک کو ان لٹیروں سے بچانے کے لئے عمران خان کی قیادت پر اعتماد کرکے ہر محب وطن شہری کو انکا ساتھ دینا چاہیئے۔
