اسلام آباد (این این آئی)وزیراعظم شہباز شریف نے اسپیکر قومی اسمبلی سے ناموس رسالت ؐپر پیر کو بحث کرانے کی درخواست کردی،اسپیکر قومی اسمبلی نے بحث کیلئے ایک گھنٹہ مختص کردیا راجہ پرویز اشرف نیاپوزیشن کو بھی اجلاس میں شرکت کی دعوت دے دی۔ہفتہ کو
بی جے پی لیڈروں کی ہرزہ سرائی وزیراعظم شہباز شریف کی شدید الفاظ میں مذمت وزیراعظم نے اسپیکر قومی اسمبلی سے ناموس رسالت پر پیر کوبحث کرانے کی درخواست کردی۔وزہراعظم شہباز شریف کا کہنا ہے کہ بھارتی حکمران جماعت بی جے پی کے لیڈروں کی ہرزہ سرائی کی شدید مذمت کرتے ہیں۔انہوں نے کہا کہ آقا کریم ؐسے ہماری عقیدت و محبت کے اس اہم معاملے پر ایوان میں بحث کروائی جائے، بھارت میں ہوئے اس قابل مذمت واقعہ کیخلاف ایوان قرارداد منظور کرے، وزیراعظم نے کہا کہ دنیا کو بتانا چاہتے ہیں آقا کریم کی حرمت کیلئے ہم ہر قربانی دینے کو تیار ہیں۔اسپیکر قومی اسمبلی راجہ پرویز اشرف نے ایوان میں بحث کیلئے ایک گھنٹہ مختص کردیا،اسپیکر راجہ پرویز اشرف نے اپوزیشن جماعتوں کو بھی دعوت دے دی اور کہاکہ یہ معاملہ سیاسی، جماعتی یا انفرادی نوعیت کا نہیں،یہ ہمارے ایمان کا معاملہ ہے۔اسپیکر قومی اسمبلی راجہ پرویز اشرف نے کہا کہ آئیں سب مل کر گستاخوں کے خلاف بھرپور مظاہرہ کریں،راجہ پرویز اشرف کاکہنا تھا کہ قومی اسمبلی قرارداد بھی منظور کریگی قرارداد میں بی جے پی لیڈروں کی مذمت کی جائے گی۔وفاقی وزیر اطلاعات و نشریات مریم اورنگزیب نے کہاہے کہ سپیکر کے ناموس رسالت ؐکے معاملے پر قومی اسمبلی میں بحث کرانے کے فیصلے کا خیر مقدم کرتے ہیں۔ اپنے بیان میں انہوں نے کہاکہ قومی اسمبلی عوام کے جذبات واحساسات کی ترجمانی کرے گی۔
انہوں نے کہاکہ ناموس رسالت مآب ؐکے لئے پوری امت مسلمہ متحد ہے، پورا پاکستان اس مسلئے پر ایک آواز ہے۔انہوں نے کہاکہ امت مسلمہ کو مل کر گستاخوں اور بدزبانوں کے خلاف اقدامات کرنے ہوں گے۔
انہونے کہاکہ عالمی برداری اور خاص کر اقوام متحدہ بین المذاھب ہم آہنگی اور مقدس ہستیوں کے احترام پر متفقہ حکمت عملی اختیار کرے۔
انہوں نے کہاکہ حرمت رسول ؐپر جان بھی قربان ہے، یہ ہمارے ایمان کا حصہ ہے۔
