اسلام آباد (مانیٹرنگ ڈیسک )جمعه کے روز ملک کےبیشترمیدانی علاقوں میں موسم شدید گرم اور خشک رہے گا ۔تاہم وسطی وجنو بی پنجاب اور زیریں خیبرپختونخوا میں آ ندھی چلنے کے علاوہ بالائی خیبرپختونخوا، کشمیر، گلگت بلتستان، اسلام آباد،

خطۂ پوٹھوہاراور شمال مشرقی پنجاب میں بعد ازدوپہر میں آندھی اورگرج چمک کے ساتھ بارش کی توقع ہے ۔محکمہ موسمیات کے مطابق ہفتہ کے روز ملک کےبیشتر میدانی علاقوں میں موسم شدید گرم اورخشک رہے گا ۔تاہم وسطی وجنوبی پنجاب اور زیریں خیبرپختونخوا میں آندھی چلنے کے علاوہ بالا ئی خیبرپختونخوا، کشمیر، گلگت بلتستان، اسلام آباد، خطۂ پوٹھوہاراور شمال مشرقی پنجاب میں بعد ازدوپہر میں آندھی اورگرج چمک کے ساتھ بارش کی توقع ہے ۔ گذشتہ 24 گھنٹے کا موسم ملک کے بیشترعلاقوں میں موسم گرم اورخشک جبکہ میدانی علاقوں میں شدید گرم رہا۔ تاہم گلگت بلتستان، کشمیر، مری اوربالائی خیبرپختونخوا میں بعض مقامات پر تیزہواؤں اور گرج چمک کے ساتھ بارش ہوئی۔سب سے زیادہ بارش(ملی میٹر): پنجاب: مری06، خیبرپختونخوا: دیر(زیریں05، بالائی01)، کاکول، کالام 05، کشمیر: مظفرآباد01، گلگت بلتستان: بابوسرمیں01 ملی میٹربارش ریکارڈ ہوئی۔گزشتہ روزریکارڈکیےگئےزیادہ سےزیادہ درجہ حرارت:دادو، سبی 49، جیکب آباد، موہنجو داڑو، نورپورتھل48، لاڑکانہ، خیرپوراورجہلم میں47 ڈگری سینٹی گریڈ ریکارڈ کیا گیا۔