اسلام آباد(این این آئی) قومی ائیر لائن (پی آئی اے)نے پہلی سہ ماہی میں اپنے فضائی بیڑے میں دو اے 320 طیاروں کا اضافہ کیا،2022 کے دوران چار مزید ایئربس A320 اپنے بیڑے میں شامل کرنے کا ارادہ ہے ۔ وفاقی حکومت کی جانب سے جاری اقتصادی سروے کے مطابق فضائی نقل و حمل کے شعبوں کی بہتری کے لئے اقدامات اٹھائے گئے اس مقصد کیلئے حکومت نے وزارت ایوی ایشن کے ذریعے پی آئی اے کی بہتری کے لئے اقدامات اٹھائے۔ پی آئی اے نے2022 کی پہلی سہ ماہی میں دو اے۔ 320 کا اضافہ کیا اور 2022 کے دوران چار مزید ایئربس اے 320 شامل کرنے کا ارادہ رکھتی ہے۔