کراچی (این این آئی)معروف اینکر عامر لیاقت حسین مرحوم کی یہ بات تحریک انصاف انکی آخری جماعت ہوگی سچ ثابت ہوگئی۔2018 میں کراچی میں چیئرمین پی ٹی آئی عمران خان کے ہمراہ پریس کانفرنس میں عامر لیاقت نے کہا تھا کہ بزرگوں نے کہا ہے کہ دیر سے کیے گئے فیصلے اچھے ہوتے ہیں، تحریک انصاف میری آخری پارٹی ہے جس میں شامل ہونے کا فیصلہ دیر سے کیا ہے اور اس میں دیر تک رہوں گا۔عامرلیاقت نے 3 اپریل 2022 کو پی ٹی آئی سے راہیں تو جدا کرلی تھیں لیکن حال ہی میں اپنی تیسری اہلیہ کی علیحدگی اور الزامات کے بعد وہ شدید ذہنی دباو کا شکار تھے اورانہوں نے ملک چھوڑ کر گم نامی کی زندگی گزارنے کا اعلان کیا تھا۔