برلن(نیوزڈیسک)جرمن پولیس نے گزشتہ کئی روز سے لاپتہ ایک نوجوان لڑکی کی لاش برآمد کر لی، اس سترہ سالہ لڑکی کو اغوا کرنے والے نے اس کے والدین سے لاکھوں یورو تاوان طلب کیا تھا۔ میڈیارپورٹس کے مطابق گزشتہ روزایک پولیس ترجمان نے بتایا کہ اس لاپتہ لڑکی کی لاش مل گئی ہے۔ مشرقی جرمن شہر ڈریسڈن کے قریب ایک چھوٹے سے قصبے سے تعلق رکھنے والی اس لڑکی کی رہائی کے بدلے ایک اعشاریہ دو ملین یورو کا تاوان طلب کیا گیا تھا۔بتایا گیا ہے کہ اس لڑکی کی لاش پولیس کو لامپرز ڈورف کے علاقے سے ملی۔ پولیس نے ساکسن صوبے کے دارالحکومت ڈریسڈن اور جنوبی جرمن صوبے باویریا سے دو افراد کو حراست میں بھی لیا ہے۔ پولیس کے مطابق گرفتار شدگان کی عمریں 39 اور 61 برس ہیں۔