مکوآنہ (این این آئی )الیکشن کمیشن کے فیصلے سے ڈی سیٹ ہونے والے فیصل آباد سے سابق صوبائی وزیر اجمل چیمہ نے کہا ہے کہ آزاد حیثیت میں الیکشن جیتا تھا ،مجھے منحرف نہیں کہا جا سکتا۔این این آئی سے گفتگو میں ڈی سیٹ ہونے والے فیصل آباد سے سابق صوبائی وزیر اجمل چیمہ نے کہا کہ میں نے آزاد حیثیت میں الیکشن جیتا تھا لہٰذا مجھے منحرف نہیں کہا جاسکتا۔انہوں نے کہا کہ اللہ کا شکر ہے عمران خان کا نام ہمارے نام سے ہٹ گیا، عمران خان نے جہانگیر ترین جیسے محسنوں کو بھی نہیں بخشا۔ انہوں نے کہا کہ عمران خان کی نالائقی کے باعث سب نے ان کا ساتھ چھوڑ دیا ہے، یہ شخص ملک میں افراتفری اور انارکی پھیلانا چاہتا ہے۔اجمل چیمہ نے کہاکہ حلقے کی بہتری کیلئے عمران خان کا ساتھ دیا تھا مگر وہ مہنگائی کا طوفان لے آیا۔