مدینہ (نیوز ڈیسک) ملائیشیا سے 423 عازمین حج کو لیکر پہلی پرواز مدینہ منورہ پہنچ گئی ہے جو کسی بھی آسیان ممالک سے عازمین حج کی پہلی پرواز ہے۔ ملائیشیا کے سعودی عرب میں سفیر زین الرحیم زین الدین نے پرنس محمد بن عبدالعزیز ہوائی اڈے پر عازمین حج کا استقبال کیا۔ اس موقع پر صحافیوں سے گفتگو کرتے ہوئے ملائیشین سفیر نے عازمین حج کیلئے بہترین انتظامات کرنے پر سعودی حکومت کا شکریہ ادا کیا۔ انہوں نے امید ظاہر کی کہ تمام عازمین حج سعودی قواعد و ضوابط پر سختی سے عملدرآمد اور کامیابی کے ساتھ اپنے مناسک حج ادا کریں گے۔