کابل(نیوز ڈیسک)افغانستان کی خفیہ ایجنسی نیشنل ڈائریکٹوریٹ آف سکیورٹی (این ڈی ایس )نے صوبہ ننگر ہار میں داعش کے پاکستانی کمانڈر حیات اللہ الیاس سمیت تین ارکان کو گرفتار کرنے کا دعویٰ کیا ہے۔این ڈی ایس نے پیر کے روز میڈیا کو جاری کی گئی پریس ریلیز میں بتایاہے کہ صوبہ ننگر ہار میں ڈیورنڈ لائن کے قریب طورخم کے سرحدی علاقے سے خصوصی آپریشن کے دوران پاکستان سے تعلق رکھنے والے داعش کے کمانڈر حیات اللہ الیاس سمیت تین ارکان کو گرفتار کرنے کا دعویٰ کیاہے۔دوسرے ا رکان میں یاسر الیاس اور بشیر الیاس ابو خالد محمدی شامل ہیں۔این ڈی ایس نے دعویٰ کیاہے کہ زیر حراست لیے گئے تینوں ارکان نے داعش سے تعلق کا اعتراف کرلیاہے۔