کابل(نیوزڈیسک)افغان انٹیلی جنس نے داعش کمانڈراور دوپاکستانیوں کو گرفتار کرنے کا دعوی کیاہے ہے ،افغان میڈیا کے مطابق افغان انٹلیل جنس (این ڈی ایس) کی طرف سے جاری بیان میں کہاگیا ہے کہ مشرقی صوبہ ننگرہار میں کارروائی کے دوران داعش کے گرفتار کمانڈرحیات اللہ الیاس منصور کو گرفتار کرلیا گیا ۔خصوصی آپریشن تورخم کے علاقے میں کیا گیا تھا۔افغان انٹیلی جنس نے دعوی کیا ہے کہ دو پاکستانی شہریوں یاسر الیاس سکندر اور بشیر الیاس ابو خالد محمد کو سرحد پار کرکے ننگرہار میں داخل ہونے پر گرفتار کیا ۔ تینوں افراد نے اعتراف کیا ہے کہ وہ داعش کے رکن ہیں۔