لاہور( این این آئی) پیپلز پارٹی کے پنجاب اسمبلی میں پارلیمانی لیڈر سید حسن مرتضیٰ نے کہا ہے کہ نحوست کا سایہ آج قوم کے سر سے ٹل جائے گا ،خود کو پاکستان کے لئے ناگزیر سمجھنے والے کو تعزیر کے پھندے میں لائیں گے۔ اپنے بیان میں انہوں نے کہا کہ عمران نیازی اور اس کے ترجمانوں نے اب باقاعدہ رونا شروع کر دیا ہے،کوئی کہتا ہے آرٹیکل 6لگائیں گے تو کوئی ذمہ داروں کے ترلے مار رہا ہے،لوگوں میں گالی، نفرت اور عدم برداشت کا پرچار کرنے والوں کی پاکستان میں کوئی جگہ نہیں۔انہوں نے کہا کہ اتوار کا دن پنجاب والوں کے اطوار بدلنے کا باعث بنے گا،جیت آئین،قانون ، جمہوریت اور عوام کی ہو گی۔