لاہور( این این آئی)سیاسی حلقوں نے وزیر اعلیٰ پنجاب سردار عثمان بزدار کے خلاف تحریک عدم اعتماد کی قرارداد جمع ہونے کے حوالے سے کہا ہے کہ اپوزیشن کو وفاق کی نسبت پنجاب میں تحریک عدم اعتماد پر ووٹنگ کرانے کے حوالے سے زیادہ مشکلات کا سامنانہیں کرنا پڑے گا۔ ان حلقوں کا کہنا ہے کہ حکومت کی جانب سے وفاق میں تحریک عدم اعتمادکی ووٹنگ کرانے میں تاخیر حربے استعمال کئے گئے تاہم پنجاب میں صورتحال مختلف ہے ۔ چوہدری پرویز الٰہی اتحادی جماعت کے سپیکر ہو نے کے باوجود ایوان کو ضابطے اور قانون کے مطابق چلانے میں شہرت رکھتے ہیں اور انہوں نے ماضی میں انہی معاملات پر اتحادی ہونے کے باوجود حکومت کو کئی مرتبہ ٹف ٹائم دیا ۔