لاہور( آن لائن ) چوہنگ کے علاقے میں میاں بیوی اور 2 ماہ کی بیٹی کو قتل کر دیا گیا۔پولیس کے مطابق قتل ہونے والا گھر کا سربراہ امانت علی پیشے کے اعتبار سے وکیل تھا، فارنزک ٹیم نے شواہد اکٹھے کر لیے ہیں۔وزیراعلیٰ عثمان بزدار اور آئی جی پنجاب راؤ سردار علی نے تین افراد کے قتل کا نوٹس لیتے ہوئے سی سی پی او لاہور سے رپورٹ طلب کر لی ہے اور انہیں ملزمان کی جلد گرفتاری کا حکم دیا ہے۔وزیراعلیٰ عثمان بزدار کا کہنا ہے کہ ملزمان کو قانون کی گرفت میں لا کر مزید کارروائی کی جائے اور انہیں سخت سے سخت سزا دلوائی جائے۔