اسلام آباد ( آن لائن)انسداد دہشت گردی کی عدالت نے ملک کے نامور سینئر تجزیہ کار محسن جمیل بیگ کوتفتیش کیلئے 3 روزہ ریمانڈ دیتے ہوئے پولیس کے حوالے کر دیا،عدالت پیشی سے قبل محسن جمیل بیگ نے صحافیوں سے غیر رسمی گفتگو کرتے ہوئے کہا کہ ٹی وی پروگرام میں انہوں نے وفاقی وزیر مراد سعید کے حوالے سے کوئی بات نہیں کی، ریحام خان کی کتاب چھپی ہے

جو انٹر نیٹ پر موجود ہے، اس کا حوالہ دیا تھا، اس کتاب کے خلاف وفاقی وزیر مراد سعید نے کوئی قانونی چارہ جوئی نہیں کی ،ایف آئی اے نے عمران خان کے کہنے پر مجھ پر تشدد کیا ،ایف آئی اے کے افسروں نے مجھ پر تشدد کیا،میں پولیس کی حراست میں تھا ایف آئی اے کی نہیں، اتنا تشدد کیا میرا چہرے پر تشدد کے نشانات دیکھے جا سکتے ہیں ، انہوں نے کہا کہ تشدد سے میری دو پسلیاں توڑ دی گئی ہیں ۔ آنکھوں ، ناک، کنپٹی اور بائیں گال پر تشدد کے نشان موجود ہیں ،محسن بیگ نے بتایا کہ گھر میں سوئے ہوئے تھے سادہ کپڑوں میں ملبوس لوگ بیڈ روم میں گھس گئے، میں سمجھا کوئی ڈاکو گھس آئے ہیں پولیس کو خود کال کر کے بلایا، حالات ٹھیک نہیں ہیں پستول ساتھ رکھ کر سوتا ہوں، میرے پستول کا لائسنس موجود ہے،گھر سے واپس بھاگے تو ایک کو میں نے دبوچ لیا،دوسرے بھاگنے والے کو ڈرانے کیلئے ہوائی فائر کیا،تھانے منتقل کیا گیا تو وہاں مجھ پر تشدد کیا گیا، میری دائیں آنکھ سے کچھ نظر نہیں آ رہا ہے۔واضح رہے کہ اسلام آباد کی عدالت نے سینئر صحافی محسن بیگ کو تین روزہ جسمانی ریمانڈ پر پولیس کے حوالے کر دیا ۔