سانگلہ ہل(آن لائن)میاں نوازشریف نے تحریک عدم اعتماد پیش کرنے کا واضع کہہ دیاہے مرکزی راہنما پاکستان مسلم لیگ(ن) ایم این اے چوہدری محمد برجیس طاہر کا کہنا ہے کہ اس بار تحریک عدم اعتماد پہلے سے مختلف ہو گی مسلم لیگ(ن) کے ورکرز کارکن اور ممبران قومی و صوبائی اسمبلی نے میاں نواز شریف کو سب اختیار دے دیا ہے اس سے قبل میاں نواز شریف عدم اعتماد کی بات نہیں کرتے تھے

وہ فری اینڈ فئیر الیکشن کا مطالبہ کرتے رہے تاہم گزشتہ روز ہونے والی میٹنگ کے دوران میاں نواز شریف نے الیکشن کی بات نہیں کی جبکہ تحریک عدم اعتماد کا واضع کہ دیا ہے تاہم یہ فیصلہ میاں نواز شریف نے کرنا ہے کہ پہلے وفاق میں یا صوبائی سطح پر تحریک عدم اعتماد پیش کیا جا ئے ان کا کہنا تھا کہ چئیرمین پی ڈی ایم نے فیصلہ کیا ہے کہ ممبران کی لوٹ سیل کے خاتمہ کے لئے انفرادی طور پر رابطے نہیں کئے جائیں گے تمام رابطے اور فیصلے پارٹی سربراہ کرینگے جس کے لئے ٹیمیں مقرر کر دی گئیں ہیں،چوہدری برجیس طاہر ایم این اے کا مزید کہنا تھا کہ عمران خان کی گیم ختم ہو چکی ہے فروری یا مارچ کا نام لے کر اپنے آپ کو زندہ رکھنے کی ناکام کوشش کی جا رہی ہے یہ اسی طرح ہے جس طرح قصاب جانور کی شہ رگ کاٹ دے اور جانور اٹھ کر بھاگ جائے عمران خان کی شہ رگ کاٹی جا چکی ہے قوم نے فیصلہ کر لیا ہے کہ عمران خان کوجانا ہے کب اور کیسے جانا ہے یہ فیصلہ جلد نواز شریف کریں گے ان کا مزید کہنا تھا کہ عمران خان نے میچ کے اختتام پر چند وزراء کو اسناد کی تقسیم کے بعد باقی کابینہ کو احساس کمتری میں مبتلا کر دیا گیا ہے جو پارٹی کی تباہی کا باعث ہو گا حکومت کی طرف سے آئی ایم ایف کواختیار دے دیا گیا ہے کہ وہ اشیاء خوردونوش کی قیمتیں خود مقرر کرے آئی ایم ایف اور1857 والی ایسٹ انڈیا کمپنی میں کوئی فرق نہیں،آئی ایم ایف ملکی اداروں پر مزید قدغن لگانے جا رہی ہے جو ملک و قوم کے لئے بہتر نہیں،وہ اپنے سیکرٹریٹ میں گفتگو کر رہے تھے۔