اسلام آباد (مانیٹرنگ ڈیسک) معروف اینکر پرسن غریدہ فاروقی نے ٹوئٹر پر اپنے پروگرام کا ایک ویڈیو کلپ شیئر کیا ہے جس میں تجزیہ کار محسن بیگ نے انکشاف کیا ہے کہ چین نے مراد سعید کو وزیراعظم کے حالیہ دورہ چین میں شامل کرنے سے انکار کردیا تھا۔ اس کی وجہ سے یہ تھی انہوں نے ملتان سکھر موٹر وے پر کاغذ لہرا کر کہا تھا کہ
فراڈ کیا ہے انہوں نے، جس پر چین نے کہا کہ یہ ہماری انویسٹمنٹ میں ہے، ہم اپنی انویسٹمنٹ کا تو فراڈ نہیں کر سکتے، بعد میں مراد سعید کو اس پر معافی مانگنا پڑی اس وزٹ میں وہ اس لئے نکال دیے گئے کہ چائنہ نے کہا ہے کہ انہیں وزٹ کی اجازت نہیں دیں گے، محسن بیگ نے کہاکہ مراد سعید کہتے ہیں کہ میں نے چھ ہزار کلومیٹر سڑکیں بنا دیں ہیں لیکن وہ دکھائیں تو سہی کہ کہاں بنائی ہیں یہ سڑکیں، ان کا کہنا تھا کہ یہ آسمان میں ہیں کاغذوں میں ہیں کہاں پر ہیں۔ واضح رہے کہ وفاقی وزیر مراد سعید کے بارے میں ذومعنی جملے کہنے پر چینل کی ملک بھر میں نشریات کو بند کر دیا گیا ہے۔ واضح رہے کہ معروف اینکر غریدہ فاروقی نے مراد سعید کو بہترین وزیر کا ایوارڈ دیے جانے پر پروگرام کیا تھا، اس پروگرام میں وفاقی وزیر مراد سعید کے بارے میں ’’ذومعنی‘‘ جملوں کے استعمال پر پیمرا نے نیوز ون کو نوٹس جاری کر دیا ہے، غریدہ فاروقی کے پروگرام میں شریک تجزیہ کار محسن بیگ نے وفاقی وزیر کے بارے میں کہا تھا کہ مراد سعید کی جس کارکردگی پر پہلا نمبر ملا ہے وہ ریحام خان کی کتاب میں ہے۔ اس پروگرام میں نیوز ون کے ڈائریکٹر نیوز حافظ طارق محمود بھی شریک تھے انہوں نے کہا کہ مراد سعید نے کارکردگی میں سب کو پیچھے چھوڑ دیا ہے مزید نہ پوچھیں پیمرا موجود ہے، اس میں دو ہی لوگ سیریس ہیں ایک عمران خان اور دوسرے مراد سعید، اس لئے ہمیں اتنا سیریس نہیں ہونا چاہیے۔
