واشنگٹن(این این آئی)امریکی نشریاتی ادارے نے 26 اگست 2021 کے کابل ایئرپورٹ دھماکے پر پنٹاگون کی بریفنگ کا بھانڈا پھوڑ دیا۔امریکی نشریاتی ادارے کے مطابق پنٹاگون نے کہا تھا کہ تمام 180 افراد دھماکے میں مارے

گئے، امریکی نشریاتی ادرے کی انویسٹی گیٹو رپورٹ کے مطابق متعدد افراد گولیاں لگنے سے مرے۔ پنٹاگون نے کہا تھا کہ امریکی مرینز کی فائرنگ سے کسی کو نقصان نہیں پہنچا۔امریکی نشریاتی ادارے کی شائع کردہ رپورٹ نے پینٹاگون کے دعووں کو جھٹلادیا، کابل ایئرپورٹ کے باہر ہونے والے دھماکے اور فائرنگ کے بارے میں پینٹاگون نے میڈیا بریفنگ دی تھی۔جس میں بتایا گیا تھا کہ تمام اموات دھماکے سے ہوئیں اور دھماکے کی ذمہ داری داعش خراسان نے قبول کی۔مزید کہا گیا تھا کہ امریکی مرینز نے گولیاں ہوا میں چلائی تھیں، جن سے کوئی جانی نقصان نہیں ہوا تھا۔امریکی نشریاتی ادارے کی اسپیشل رپورٹ کے مطابق اموات صرف دھماکے سے نہیں بلکہ گولیاں لگنے سے بھی ہوئیں، امریکی نشریاتی ادارے نے عینی شاہدین اور ڈاکٹرز کے بیانات پیش کردیے، مقتولین کے میڈیکل ریکارڈز بھی حاصل کرلئے جن میں صاف لکھا ہے کہ اموات گولی لگنے سے ہوئیں۔