کراچی(این این آئی)پاکستان پیپلزپارٹی کی سینئررہنماسنیٹرشیری رحمن نے کہا ہے کہ سرنجوں کے مینوفیکچررز نے سرنجوں کے بحران کی پیشگوئی کر دی ہے۔سماجی رابطوں کی وین سائٹ ٹوئٹرپر اپنے پیغام میں سینیٹر شیری رحمن نے کہاکہ ملک میں کورونا کی بگڑتی صورتحال کے

دوران سرنجوں کے مینوفیکچررز اور درآمد کنندگان نے سرنجوں کے بحران کی پیشگوئی کر دی ہے۔انہوں نے کہا کہ منی بجٹ میں سرنجوں کی درآمد اور خام مال پر 17 فیصد سیلز ٹیکس عائد کیا گیا ، ہم نے ادویات اور صحت کے شعبے پر منفی اثرات کی وجہ سے اس طرح کے ٹیکسز کی مخالفت کی تھی۔انہوں نے کہاکہ ملک میں ہر سال لگ بھگ 2 ارب سرنجز استعمال ہوتی ہیں جس میں 55 فیصد باہر سے درآمد کی جاتی ہیں ، سرنجز کی قیمت بڑھانے سے لوگ ایک ہی سرنج دوبارہ استعمال کریں گے جو بہت ہی خطرناک عمل ہے۔سینیٹر شیری رحمن نے کہا کہ کورونا وبا کے وقت سرنجز کا بحران پیدا ہونا بہت ہی تشویش ناک ہے، حکومت کو فوری نوٹس لینا چاہیے۔