راولپنڈی(این این آئی)اپنے ہی والد کو فائرنگ کرکے قتل کرنے والا سفاک بیٹا گرفتار کرلیا گیا۔ میڈیا رپورٹ کے مطابق راولپنڈی کے علاقے ریس کورس برف خانہ چوک میں فائرنگ کرکے بزرگ شخص کو قتل کردیا گیا، واقعہ کی اطلاع ملتے ہی ریسکیو اور پولیس کی ٹیمیں جائے حادثہ پر پہنچ گئیں اور لاش کو ہسپتال منتقل کردیا گیا۔پولیس حکام کے مطابق ریس کورس پولیس کو برف خانہ چمن آباد میں قتل کی اطلاع ملی تھی، پولیس نے

تفتیش شروع کی تو مقتول کے بیٹے ثقلین کے بیانات میں تضاد تھا، جس پر اسے تحقیقات کے لئے تھانہ ریس کورس لے گئے، جہاں اس نے اعتراف جرم کرتے ہوئے بتایا کہ اس نے معمول جھگڑے پر طیش میں آکر فائرنگ کردی اور اپنے ہی والد کو قتل کردیا۔تھانہ ریس کورس کے مطابق مقتول کی لاش پوسٹ مارٹم کے لیے اسپتال منتقل کردیا گیا ہے، جب کہ واقعہ کا مقدمہ درج کردیا گیا ہے اور ملزم کو ٹھوس شواہد کے ساتھ چالان عدالت کیا جائے گا۔