میکسیکوسٹی(این این آئی)میکسیکو میں دو سالہ بچی زہر میں لتھڑا بسکٹ کھا کر جاں بحق ہوگئی۔میڈیارپورٹس کے مطابق وسطی امریکا کے ملک میکسیکو کے شہر ٹوٹوٹلین میں ایک گھر کے شور کرتے کتے کو چپ کرانے کے لیے پھینگا گیا زہریلا بسکٹ کھانے سے دو سالہ بچی

جاں بحق ہوگئی۔ہیڈی کو یکم فروری کو اپنے گھر کے باہر سے زہریلے بسکٹ کا ٹکڑا کھانے کے بعد اسپتال لے کر جایا گیا۔مقامی آفیشل ایپھمینیو کیرِلو کا کہنا تھا کہ بچی میں زہر پھلنے کے سبب کی تصدیق ہونا ابھی باقی ہے۔ وہ کتا اور چھ سالہ لڑکی، جو مبینہ طور پر چھوٹی بچی کے ساتھ کھیل رہے تھے، دونوں کو اسی کیفیت میں مبتلا تھے۔ایک مقامی رہائشی کا کہنا تھا کہ سچ یہ ہے کہ اس خبر نے پورے علاقے کو سکتے میں ڈال دیا ہے۔ بلکہ یہ سامنے آنے کے بعد کہ کیا ہوا ہے، سوشل میڈیا پر وبال مچ گیا ہے۔ٹوٹوٹلین کے مقامی خود کو پہنچنے والے اس دھچکے کا اظہار آن لائن کر رہے ہیں اور اس پڑوسی پر الزام عائد کر رہے ہیں جس نے کتے، جو بہت بھونکتا تھا، کو نشانہ بنانے کے چکر میں غلطی سے بچی کو زہر کھلا دیا ہے۔آفیشلز کا کہنا تھا کہ جتنی جلدی حقائق دستیاب ہوں گے اتنی جلدی اعلان کیا جائے گا۔