راولپنڈی(این این آئی)تھانہ وارث خان کے علاقے ڈھوک کھبہ میں مسلح افراد نے گھر میں گھس کر لڑکی کو فائرنگ کر کے قتل کر دیا، ملزمان فرار ہو گئے ۔ میڈیا رپورٹ کے مطابق ملزمان ٹیکسلا کے رہائشی تھے صبح تقربیاََ ساڑھے پانچ بجے لڑکی کے گھر میں گھس کر فائرنگ کی ،مقتولہ بسمہ کی لعش پوسٹمارٹم کیلئے ہسپتال
منتقل کر دی گئی ،لڑکی بسمہ ڈانسر تھی اور آبائی علاقہ ملتان بتایا جا رہا ہے ۔ میڈیا رپورٹ کے مطابق ملزمان میں حمزہ نامی ملزم مقتولہ کا دوست تھا معمولی تلخ کلامی پر فائرنگ کر دی ،قتل کی لرزہ خیز واردات میں عمر سعید ملک نے نوٹس لیتے ہوئے ملزمان کی گرفتاری کا حکم دیدیا ۔پولیس ذرائع کے مطابق قتل کی تحقیقات شروع کر دی گئی .
