اسلام آباد (این این آئی)وزیر داخلہ شیخ رشید احمد نے پاک افغان سرحد پارسے ضلع کرم میں سکیورٹی فورسز پر حملے کی شدیدمذمت کرتے ہوئے کہا ہے کہ طالبان حکومت اپنے وعدوں کے مطابق سرحد پار سے دہشت گرد کاروائیاں روکے۔ اپنے بیان میں وزیر داخلہ نے دہشت گردوں کی فائرنگ سے سکیورٹی فورسز کی شہادت کی خبر پر دکھ اورافسوس کا اظہار کرتے ہوئے کہا کہ سرحد پار سے دہشت گرد حملے کی بھر پور مذمت کرتے ہیں۔ وزیر داخلہ شیخ رشید احمد نے کہاکہ طالبان حکومت اپنے وعدوں کے مطابق سرحد پار سے دہشت گرد کاروائیاں روکے۔ انہوںنے کہاکہ سکیورٹی فورسز کے جذبہ قربانی کو خراج تحسین پیش کرتے ہیں۔ انہوںنے کہاکہ سکیورٹی فورسز کی وطن کے لئے قربانیاں رائیگاں نہیں جائیگی۔