ؒلاہور( ا ین این آئی )سرونگ سکولز اینڈ کالجز ایسوسی ایشن کے صدر رضا الرحمن نے حکومت سے پب جی گیم پر فوری پابندی لگانے کا مطالبہ کرتے ہوئے کہا ہے کہ انٹرنیٹ کا بے جا استعمال بچوں میں بے شمار ذہنی مسائل پیدا کر رہا ہے ۔سرونگ سکولز اینڈ کالجز ایسوسی ایشن کی جانب سے ہنگامی اجلاس منعقد کیا گیا جس کی صدارت رضاالرحمن نے کی ۔اجلاس میں متفقہ طور پر حکومت سے

مطالبہ کیا گیا کہ حکومت پب جی گیم پر فوری پابندی عائد کرے ، انٹر نیٹ کا بے جا استعمال بے شمار ذہنی مسائل کو جنم دے رہا ہے جس کی وجہ سے بچوں میں عدم برداشت ،مار دھاڑ ،دشمنی اور ہتھیاروں کے استعمال کا رجحان بڑھتا جا رہا ہے۔انہوں نے کہا کہ لاہور میں حال ہی پیش آنے والے واقعہ سے سبق لیتے ہوئے معاشرے کو مستقبل میں اس طرح کے واقعات سے بچایا جا سکتا ہے ۔ انہوں نے کہا کہ والد ین کو چاہیے کہ اپنے بچوں کی سر گرمیوں خاص طو رپر انٹرنیٹ استعمال کے وقت ان پر کڑی نظر رکھیں اور انہیں اس کے مثبت استعمال کی جانب راغب کریں۔انہوں نے مزید کہا کہ بچے ہمارا مستقبل ہیں ہم سب کو اپنی ذمہ داری پوری کرنا ہوں گی اور یہ اسی صورت میں ممکن ہے جب ہم اپنے بچوں کو مکمل ٹائم دیں گے اور ان کی سرگرمیوں پر نظر رکھیں ، انٹرنیٹ کے مثبت استعمال کے ساتھ بچوں کو مختلف کھیلوں کی جانب بھی راغب کیا جائے ۔ حکومت سے مطالبہ ہے کہ بچوں کو آٹ ڈور سر گرمیوں کے لئے معیاری گرائونڈز مہیا کئے جائیں ۔ انہوںنے کہا کہ بچوں میں منشیات کے استعمال کی روک تھام کے لئے بھی ہنگامی بنیادوںپر عملی اقدامات نا گزیر ہیںّ